Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ex quo[*](Ex quoto M 2, Ex quo to V Colchida reges Sudhaus, litora reges Giarratano, nam singula V (ex 160)) Thessalici subierunt Colchida reges,
  2. quod nullae te, nata, dapes, non ulla iuvabant
  3. tempora.[*](tempora V, pocula d'Orville | aetraque M, aetraque V ) non ullus tibi tum color aegraque verba
  4. errantesque genae atque alieno gaudia vultu
  5. semper erant.[*](erant Bon. 1, erat V | cur M 2, cura V ) cur tanta mihi non prodita pestis,
    6. p.188
  6. ut gener Aesonides[*](gener aesonides M, genaenerae sonides V ) nostra consideret aula
  7. nec[*](nec Bon. 1, Ne V ) talem paterere fugam, commune fuisset
  8. aut certe nunc omne nefas, iremus et ambae
  9. in quascumque vias? pariter petiisse iuvaret
  10. Thessaliam et saevi quaecumque est[*](est M, om. V ) hospitis urbem.'
  11. sic genetrix, similique implet soror omnia questu
  12. exululans; famulae pariter clamore supremo
  13. in vacuos dant verba notos dominamque reclamant
  14. nomine; te venti procul et tua fata ferebant.
  15. Inde[*](Inde M, Indi V ) diem noctemque volant. redeuntibus aura
  16. gratior, et notae Minyis transcurrere terrae,
  17. cum subito Erginus puppi sic fatur ab alta:
  18. 'vos' ait 'Aesonide, contenti vellere capto,
  19. nec via quae superet nec quae fortuna videtis.
  20. crastina[*](Crastina M, Crasti V ) namque dies trucis ad confinia ponti