Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. et soror atque omnes aliae matresque nurusque
  2. Colchides aequalesque tibi, Medea, puellae.
  3. extat sola parens impletque ululatibus auras.
  4. 'siste fugam, medio refer huc ex aequore puppem,
  5. nata,[*](Nata M 2 N, Nota M ) potes. quo' clamat 'abis? hic turba tuorum
  6. omnis et iratus nondum pater; haec tua tellus
  7. sceptraque. quid terris solam te credis Achaeis?
  8. quis locus Inachias inter tibi, barbara, natas?
  9. istane vota[*](uota M T 1, cod. Bon., cod.regils, nota T, tota N ) domus exspectatique hymenaei?
  10. hunc petii grandaeva diem? vellem unguibus uncis
  11. ut volucris possem praedonis in ipsius ora
  12. ire ratemque supra claroque reposcere cantu
  13. quam genui. Albano fuit haec promissa tyranno,
  14. non tibi; nil tecum miseri pepigere parentes,
  15. Aesonide; non hoc Pelias evadere furto
  16. te iubet aut ullas Colchis abducere natas.
  17. vellus habe et nostris siquid super accipe templis.
  18. sed quid ego[*](egō suspectum ) quemquam immeritis incuso querellis?
  19. ipsa fugit tantoque (nefas) ipsa ardet amore.
  20. hoc erat, infelix, redeunt nam singula menti,