Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. vellera, nulla tua fulgentia dona sub umbra.
  2. cede adeo inque aliis senium nunc digere[*](digere N, degenere M, degere M 2, egere Renkema, ) lucis
  3. immemor, oro, mei, nec me tua sibila toto
  4. exagitent infesta mari. sed tu quoque cunctas,
  5. Aesonide, dimitte[*](hic C desiit | demitte N, demicte M ) moras atque effuge raptis
  6. velleribus. patrios exstinxi noxia tauros;
    7. p.186
  7. terrigenas in fata[*](in fata Pius, infesta codd. ) dedi; fusum ecce draconis
  8. corpus habes, iamque omne nefas, iam, spero, peregi.'
  9. quaerenti tunc deinde viam, qua se arduus heros
  10. ferret ad aurigerae[*](aurigerae N, arigerae M ) caput arboris,'eia, per ipsum
  11. scande age et adverso gressus' ait 'imprime dorso.'
  12. nec mora fit. dictis fidens Cretheia proles
  13. calcat et aeriam quamvis perfertur ad ornum,
  14. cuius adhuc rutilam servabant bracchia pellem,
  15. nubibus accensis similem aut cum veste recincta
  16. labitur ardenti Thaumantias obvia Phoebo.
  17. corripit optatum decus extremumque laborem
  18. Aesonides, longosque sibi gestata per annos
  19. Phrixeae monumenta fugae vix reddidit arbor
  20. cum gemitu, tristesque super coiere tenebrae.