Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. sustinet; ac primi percussus nube soporis
  2. horruit et dulces excussit ab arbore[*](ab arbore V, corpore Heinsius | somnos M 2, somnus V ) somnos.
  3. contra Tartareis Colchis spumare venenis[*](uenenis M, om V )
  4. cunctaque Lethaei quassare silentia rami
  5. perstat et adverso luctantia lumina cantu
  6. obruit[*](obruit Iunt. 1, Orruit V ) atque omnem linguaque manuque fatigat
  7. vim Stygiam, ardentes donee sopor occupet iras.
  8. iamque altae cecidere iubae, nutatque coactum[*](desunt in V uno folio exscisso)
  9. iam caput atque ingens extra sua vellera cervix,
  10. ceu refluens Padus aut septem proiectus in amnes
  11. Nilus et Hesperium veniens Alpheos in orbem.
  12. ipsa caput cari postquam Medea draconis[*](draconis M 2 N, dracones M )
  13. vidit humi, fusis circum proiecta lacertis
  14. seque suumque[*](Seque suumque M 2, Sed suumque MU, Se seuumque NF, Seque seuumque T ) simul flevit crudelis aluminum:
  15. 'non ego te sera talem sub nocte videbam
  16. sacra ferens epulasque tibi, nee talis hianti
  17. mella[*](Mella M 2 N, Melle M | nutribam M, turbam N ) dabam ac nostris nutribam fida venenis.
  18. quam gravida nunc mole iaces, quam segnis inertem
  19. flatus habet; nec te saltem, miserande, peremi.
  20. heu[*](heu T 1 Aid., Nec M, cod. Bon.et Burmanni, Ne NT | passure lunt. 1, passura MNT ) saevum passure diem: iam nulla videbis