Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. obvius ut sera cum se sub nocte magistris
  2. impingit pecorique pavor, qualesve profundum
  3. per chaos occurrunt caecae sine vocibus umbrae,
    4. p.173
  4. haut secus in mediis noctis nemorisque[*](nemorisque Bon. 1, nemoris V ) tenebris
  5. inciderant ambo attoniti iuxtaque subibant,
  6. abietibus tacitis aut immotis cyparissis
  7. adsimiles, rapidus nondum quas miscuit auster.[*](auster M, auter V )
  8. Ergo ut erat vultu defixus uterque silenti
  9. noxque suum peragebat iter, iam iam ora levare
  10. Aesoniden farique cupit Medea priorem.
  11. quam simul effusis pavitantem fletibus
  12. flagrantesque genas vidit miserumque pudorem,
  13. has tandem voces dedit et solatus amantem est:
  14. 'fersne aliquam spem lucis?' ait, 'miserata laborem[*](laborem Bon. l, laborum V )
  15. nempe venis? an et ipsa mea laetabere morte?
  16. ne, precor, infando similem te, virgo, parenti
  17. gesseris, haut tales decet inclementia vultus.[*](haut equidem pulcros decet inclementia uultus habet Par | tecet inelementia V )
  18. hascine nunc grates, haec exspectata laborum
  19. dona dari decuit? sic te sub teste remitti
  20. fas mihi, virgo, †tuum†[*](tuum corruptum vid. ex 420, fort. fas me, virgo, fuit?) iustas da vocibus aures: