Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. haud aliter[*](aliter V, alia C | caecae T Bon. 1 caeo ae V, Aeaeae C ) caecae per moenia deficit urbis
  2. incedens horretque[*](horretque M 2, horret V ) domos Medea silentes.
  3. hic iterum extremae nequiquam in limine[*](limine Bon. 1 lumine V ) portae
  4. substitit[*](Substitit M, Subsistitit V ) atque iterum fetus animique soluti,
  5. respexitque deam paulumque his vocibus haesit:
  6. 'ipse rogat certe meque ipse implorat Iason?
  7. nullane culpa subest? labes non ulla pudoris,
  8. nullus amor, nec turpe viro servire precanti?'
  9. illa nihil contra vocesque abrumpit[*](abrumpit vulgo, adrumpit V ) inanes.
  10. et iam iam magico per opaca silentia Colchis
  11. coeperat ire sono, montanaque[*](montanaque d'Orville, monstrataque V ) condere vultus
  12. numina cumque suis averti collibus amnes.
  13. iam stabulis gregibusque[*](graegibusque M, graecibusque V | sepulcris M, sepubenis V ) pavor strepitusque sepulcris
  14. inciderat; stupet ipsa gravi nox tardior umbra;
  15. iamque[*](iamque vulgo, Namque V, Ipsa C | sub altas CM 2, sublatas V ) tremens longe sequitur Venus; utque sub altas
  16. pervenere trabes divaeque triformis in umbram,
  17. hic subito ante oculos nondum speratus Iason
  18. emicuit viditque prior conterrita virgo,
  19. atque hinc[*](hinc Bon. 2, hic V volucris Thaumantias alis Carrio, uolucri taumatia salis V, volucri Thaumantias ala Bon. 1, vulgo) se profugam volucris Thaumantias alis
  20. sustulit, inde Venus dextrae dilapsa[*](dilapsa T Bon. l delapsa V ) tenenti.