Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Illa sequi iubet et portis exspectat[*](expectat M, xpectat V ) in ipsis.
  2. saevus Echionia ceu Penthea Bacchus in aula
  3. deserit infectis per roscida cornua vittis,
  4. cum tenet ille deum pudibundaque[*](pudibundaque M, puliibundaque V | matris Heinsius, dubitanter recepi, patris V ) tegmina matris
  5. tympanaque et mollem subito miser accipit hastam:
  6. haud aliter deserta pavet perque omnia circum
  7. fert[*](Fert M, Feri V ) oculos tectisque negat procedere virgo.
  8. contra saevus amor, contra periturus Iason
  9. urget et auditae crescunt in pectore[*](impectore M, implet ore V ) voces.
  10. heu quid agat? videt externo se prodere patrem
  11. dura viro, famam scelerum iamque ipsa suorum
  12. prospicit et[*](et etiam V exhibet ) questu superos questuque fatigat
  13. Tartara; pulsat humum manibusque immurmurat uncis
  14. noctis eram Ditemque ciens, succurrere tandem
  15. morte velint ipsumque simul demittere[*](demittere Bon. 2, dimittere V ) leto,
  16. quem propter furit; absentem saevissima poscit
  17. nunc Pelian,[*](pelian M, pelean V ) tanta iuvenem qui perderet ira;
  18. saepe suas misero promittere destinat artes
  19. denegat[*](dein negat d'Orville | in hora Heinsius, inira V ) atque una potius decernit in hora
  20. ac neque tam[*](Ac neque tam C b Bon. 2, Ac nequeat V ) turpi cessuram semper amori