Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. cur non hospitibus fas sit succurrere dignis
  2. te quoque et Aeaeos iubeas[*](Aeaeos iubeas Bon. 2 eaeor subeas V ) mitescere campos?
  3. occidat aeterna tandem Cadmeia morte
  4. iam seges et viso fumantes hospite tauri.
  5. ei mihi, quod nullas hic possum exsolvere grates.
  6. at[*](at Iunt. 1, Ut VC ) tamen hoc saeva corpus de morte receptum,
  7. hanc animam sciat esse suam. miserebitur ergo?
  8. die, ait, an potius" — strictumque ruebat in ensem.
  9. promisi; ne falle, precor.[*](praecor M 2, fraecor V ) cumque ipsa moverer
  10. adloquio casuque viri, te passa rogari
  11. sum potius; tu laude nova, tu supplice digno
  12. dignior es; sat fama meis iam[*](Dignior es. sat fama meis iam Heinsius, Digniores et famame istam V, Dignior; est et fama meis iam C ) parta venenis.'
  13. Torserat illa gravi iamdudum lumina vultu
  14. vix animos dextramque tenens, quin ipsa loquentis
  15. iret in ora deae: tanta pudor aestuat ira
  16. verba cavens; horror molles invaserat annos.
  17. iamque toro trepidas[*](toro trepidas M, tor drepidas V ) infelix obruit aures
  18. nec quo ferre fugam nec quo se vertere[*](net quos euertere V ) posset
  19. prensa[*](Prensa M, Piens a V ) videt; rupta condi tellure premique
  20. iamdudum cupit ac diras[*](duras C ) evadere voces.