Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. i, precor, atque illum[*](illum Loehbach, unum V, tuum Baehrens, (ac) vanum Dureau de Lamalle (cf. II 167, VII 539) | me dimitte M, medium itte V ) pro me dimitte timorem.
  2. sed magis his miseram, quando[*](qn (i. e. quando) V, quoniam C ) potes, eripe curis,
  3. unde metus aestusque mihi, quaeque aspera, mater,
  4. perpetior durae iamdudum incendia mentis.
  5. nulla quies animo, nullus sopor arida ...[*](arida menti V (menti ex 243), arida membra Thilo sufficiente sensu, languente stilo, ardua menti Junt. 1, ardua amanti C )
    6. p.167
  6. quaere malis nostris requiem mentemque repone,[*](repone MT, reponem V )
  7. redde diem noctemque mihi, da prendere vestes
  8. somniferas ipsaque oculos componere virga.
  9. tu quoque nil, mater, prodes mihi; fortior ante
  10. sola fui. tristes thalamos infestaque cerno
  11. omnia, vipereos[*](uipereos M, uipereor V ) ipsi tibi surgere crines.'
  12. talia verba dabat conlapsaque flebat iniquae
  13. in Veneris Medea sinus pestemque latentem
  14. ossibus atque imi[*](imi M 2, ibi V ) monstrabat pectoris ignem.
  15. Occupat amplexu Venus et furialia figit[*](figit M, fugit V )
  16. oscula permixtumque odiis inspirat amorem;
  17. dumque illam variis maerentem vocibus ambit
  18. inque alio sermone tenet, quin[*](quin M, qui in V ) hoc' ait 'audi
  19. atque attolle genas', lacrimisque haec infit obortis:
  20. 'cum levis a superis[*](a superis MT, asperis V, Hesperiis Koestlin ) ad te modo laberer auris,