Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ante et Thessalicae Phasin petiere carinae
  2. perque tot infelix frustra vada venit Iason,
  3. quam patriae te movit amor.' tum cetera rumpit
  4. occurritque Venus: 'tu nunc mihi causa viarum
  5. sola, tuae venio iam pridem ignava[*](ignaua V, cf. VI 486, ignara Heinsius ) iuventae.
  6. cetera parce queri neu me meliora secutam
  7. argue; quippe etiam repetentur munera divum.
  8. omnibus hunc potius communem[*](Cunctis communem - 229 dies habet Par. ) animantibus orbem,
  9. communes et crede deos. patriam inde vocato,[*](patriamque uocato Par. )
  10. qua redit itque[*](redit itque Par. M 2 CT 1, rediitque V | nos onata V, diis nata C | malignus cod. regius, cod. Burmanni, (vix maligni), malignis VC ) dies, nec nos, o nata, malignus
  11. cluserit hoc uno semper sub frigore mensis.[*](tamquam aeterno Ianuario Colchida premi rem augens dicit Venus)
  12. fas mihi non habiles, fas et tibi linquere Colchos.
  13. et nunc Ausonii coniunx ego regia Pici,
  14. nec mihi flammiferis horrent ibi[*](233 ibi M 2, tibi V ) pascua tauris,
  15. meque vides Tusci dominam maris. at tibi quinam
  16. Sauromatae, miseranda, proci? cui vadis Hibero
  17. (ei mihi) vel saevo coniunx non una Gelono?'
  18. Ilia deae contra iamdudum spernere voces.
  19. 'non ita me immemorem magnae Perseidos' inquit
  20. 'cernis, ut infelix thalamos ego cogar in illos.