Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Coelaletae[*](Coelaletae Lemaire, Coeia laetae V, Coraletae C | sutilis N, futtilis V ) traxere manus; ibi sutilis illis
  2. est[*](est Loehbach, Et V | uellere V, uulnere C ) domus et crudo residens sub vellere coniunx
  3. et puer e primo torquens temone cateias.
  4. linquitur abruptus pelago Tyra, linquitur et mons
  5. Ambenus et gelidis pollens Ophiusa venenis.
  6. degeneresque ruunt Sindi glomerantque paterno
  7. crimine nunc etiam metuentes verbera turmas.
  8. hos super aeratam Phalces agit aequore nubem
  9. cum fremitu, densique levant vexilla Coralli,
  10. barbaricae quis signa rotae ferrataque dorso
  11. forma suum truncaeque Iovis simulacra columnae;
  12. proelia nec rauco curant incendere cornu,
  13. indigenas sed rite duces et prisca suorum
  14. facta[*](facta vulgo, Fata V ) canunt veterumque viris hortamina Iaudes.
  15. ast ubi Sidonicas inter pedes aequat[*](ad aequat cf. Thes. l. L. I 1022, 38–45 ) habenas,
  16. illinc iuratos in se[*](inse V, secum C Ald. | aeabatarnas V. Exabatarnas C a Exabaternas C b ) trahit Aea Batarnas,
  17. quos, duce Teutagono, crudi mora corticis armat
  18. aequaque nec ferro brevior nec rumpia ligno.
  19. nec procul albentes gemina ferit aclyde parmas,
  20. hiberni qui terga Novae[*](nouae V, Norae C, Noae Iunt. 1, sed cf. IV 719 ) gelidumque securi