Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- eruit et tota non audit Alazona ripa. ---
- quosque Taras niveumque[*](aut ante aut post hunc versum nonnulla exciderunt | Tarax C | niueumque M, niuemque V ) ferax Euarchus olorum.
- te quoque venturis, ingens Ariasmene, saeclis
- tradiderim, molem belli lateque ferentem
- undique falcatos deserta per aequora currus.
- insequitur Drangaea[*](Drangaea Iunt. 1, dranc(a)ea VC ) phalanx claustrisque profusi
- Caspiadae, quis turba canum non segnius acres
- exilit ad lituos pugnasque capessit eriles.
- inde etiam par mortis honos, tumulisque recepti
- inter avos positusque virum; nam pectora ferro
- terribilesque innexa iubas ruit agmine nigro
- latratuque[*](Latratuque M 2, Latratu V ) cohors, quanto sonat horrida Ditis
- ianua vel superas Hecates comitatus in auras.[*](in auras cod. Burmanni, in aulas V, ad aulas C a, ad auras C b )
- ducit ab Hyrcanis vates sacer agmina lucis
- Vanus; eum Scythiae iam tertia viderat aetas[*](Varus C | aestas MC, aestas V )
- magnanimos Minyas Argoaque vela canentem.
- illius et dites monitis spondentibus Indi
- et centumgeminae Lagea[*](Lagea Gronovius, lagae V, longaeua C ) novalia Thebes
- totaque Riphaeo Panchaia rapta triumpho.
- discolor hastatas effudit Hiberia turmas,
p.135