Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Cimmerias ostentat opes, cui candidus olim
  2. crinis inest, natale decus; dat longior aetas
  3. iam spatium; triplici percurrens tempora nodo
  4. demittit sacro geminas a vertice vittas.
  5. Datin Achaemeniae[*](Achaemeniae Iunt. 1, achaemoniae V, Achimeniae C ) gravior de vulnere pugnae
  6. misit in arma Daraps,[*](Claraps C ) acies quem Martia circum
  7. Gangaridum, potaque Gerus quos efferat unda,
  8. quique lacum cinxere Bycen. non defuit Anxur,
  9. non Rhadalo cum fratre Sidon, Acesinaque[*](Sydon Acesinaque Bon. 2, sidonya caesinaque V, Fidon Iacesinaque C ) laevo
  10. omine fatidicae Phrixus movet agmina cervae.
  11. ipsa comes, saetis fulgens et cornibus aureis,
  12. ante aciem celsi vehitur gestamine conti
  13. maesta nec in saevae[*](nec in saeuae cod. Burmanni, Ald., necis saeuae V | lucos Heinsius, luco V ) lucos reditura Dianae.
  14. movit et Hylaea supplex cum gente Syenen[*](syenen M 2, syrenen V, Sirenem C Bon. 1 post )
  15. impia germani praetentans volnera Perses.
  16. densior haut usquam nec celsior extulit ullas
  17. silva trabes, fessaeque prius rediere sagittae[*](versus intercidit in VC, in TN hic versus legitur Arboris ad summum quam pervenere cacumen, quem omnes ante Thilonem editores receperunt )
  18. ---
  19. quin et ab Hyrcanis Titanius expulit antris
  20. Cyris in arma viros, plaustrisque ad proelia cunctas