Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. sic ait, intentaque adiutum missile planta
  2. derigit et lapsis patuerunt vulnera villis.
    3. p.150
  3. nec minus Aeolii proles Aeetia Phrixi
  4. fertur et ipsa furens ac se modo laeta Cytaeis
  5. agminibus, modo cognatis ostentat Achivis.
  6. atque hos in medio duri discrimine belli
  7. laudibus inque ipsis gaudens ubi vidit Iason,
  8. 'macte' ait 'o nostrum genus et iam certa propago
  9. Aeoliae nec opina domus; sat[*](sat lunt. 1, stat V ) magna laborum
  10. dona fero, satis hoc visu quaecumque rependo.'
  11. dixit et in Sueten magnique in fata Ceramni
  12. emicuit clipeumque rotans hunc poplite caeso
  13. deicit, ilium aperit lato per pectus hiatu.
  14. Argus utrumque ab equis ingenti porrigit auso[*](auso Sudhaus, auro V, ictu C )
  15. et Zacorum et Phalcen,[*](Phalcen C, Maserius, palchen V | haurit M, haunit V | T 1 Bon. 2, amastri V, Amastrum C, cod. Burmanni ) peditem pedes haurit Amastrin.
  16. sanguinis ille globos effusaque viscera gestat
  17. barbarus et cassa stridens[*](stridens T 1 Pius, ridens VC, frendens vulgo ) sublabitur ira.
  18. dat Calais Barisanta neci semperque propinquas
  19. Riphea venali comitantem sanguine pugnas,
  20. centum lecta[*](lecta V, laeta C | boum M 2 T, bouum V, hominum C ) boum bellator corpora, centum