Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. pactus equos;[*](equos T 1 Bon. 2, equis V ) his ille animam lucemque rependit
  2. crudelis; tandem dulces iam cassus in auras
  3. respicit ac nulla caelum reparabile gaza.
  4. labitur[*](Labitur M 2, Dabitur V ) intortos per tempora caerula crines
  5. tunc quoque materna velatus harundine Peucon.
  6. at genetrix[*](genetrix M, negetrix V ) imis pariter Maeotis ab antris
  7. implevit plangore lacus natumque vocavit,
  8. iam non per ripas, iam[*](per ripas iam M, perri passiam V ) non per curva volantem
  9. stagna nec in medio truncantem marmore cervos.
  10. Eurytus Exomatas agit aequore. Nestoris hastae
  11. immoritur primaevus[*](primaeuus M, prima aeuus V ) Helix, nec reddita caro
    12. p.151
  12. nutrimenta patri, brevibusque ereptus[*](brevibusque ereptus Samuelsson, breuibus ereptus V, breuibus praereptus C ) in annis.
  13. at Latagum[*](At Latagum C, Ablatacum V | Daraps scil. aggreditur) Zetemque Daraps; illum exigit hasta,
  14. hunc fugit, ingentem subiti cum sanguinis[*](sanguinis M, guinis V | undam vulgo, unda V ) undam
  15. vidit et extremo lucentia pectora ferro.
  16. Ecce autem muris residens Medea paternis
  17. singula dum magni lustrat certamina belli
  18. atque hos ipsa procul densa in caligine reges
  19. agnoscit quaeritque alios Iunone magistra,
  20. conspicit Aesonium[*](aesonium M 2, aesomnium V ) longe caput, ac simul acres