Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- sed trepidae redeunt et verso vulnera tergo
- accipiunt magnisque fugam clamoribus augent,
- proterit impulsu gravis agmina corporaque altis[*](altis Balbus, atris V )
- sternit equis gemitusque premit spirantis acervi.[*](premitispirantiacerui V, s suprascr. V 2 )
- nec levior comitatur Aron, horrentia cuius
- discolor arma super squalentesque aere lacertos
- barbarica chlamys ardet[*](ardet Pius, arcet V | tamefactaque nonnulli apud Pium ) acu tremefactaque vento
- implet equum, qualis[*](qualis T, qualem V | it NF, cod. Bon., ut V ) roseis it Lucifer alis,
- quem Venus inlustri gaudet producere caelo.
- at[*](at vulgo, Et V ) non inde procul Rambelus et acer Otaxes
- dispulerant Colchos[*](Colchos T, colchus V | Armes T 1, Gronovius, armis V ) pariterque inglorius Armes,
- fraude nova stabula et furtis adsuetus inultis
- depopulare greges, frontem cum cornibus auxit
- hispidus inque dei latuit terrore Lycaei:
- hac tunc attonitos facie defixerat hostes.
- quem simul ac nota[*](acnota Burmann, cf. Sil. Pun. VII 744, agnota V, ignota Ven. 1 ) formidine bella moventem
- vidit Aron, 'pavidos te' inquit 'nunc rere magistros
- et stolidum petiisse pecus? non pascua nec bos[*](nec bos T Bon. 2, nexos V, nec spes C )
- hic tibi; nocturnis mitte haec simulacra rapinis[*](538 rapinis C Pius, panis V (ante p nulla litera erasa est))
- neve deum mihi finge; deus quoque consere dextram.'[*](dextram T 2 Bon. 2, dextra V )