Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- magna fugae monumenta dabis, spernere nec usquam[*](usquam M, usq; V )
- mendaci captiva viro, meque ille magistram
- sentiet et raptu famulae doluisse pudendo.'
- dixerat. ast illae murorum extrema capessunt
- defixaeque virum lituumque fragoribus horrent,
- quales instanti nimborum frigore maestae
- succedunt ramis haerentque[*](herentque Bon. 1 herent V ) pavore volucres.
- Iamque Getae, iamque omnis Hiber Drangaeaque[*](Drangaeaque Maserius, dratiaque V (n suprascr. V 1)) densa
- strage cadit legio et latis prosternitur arvis.
- semineces duplicesque inter sua tela suosque
- inter equos saevam misero luctamine versant
- congeriem et longis[*](longis M, ongis V (erasa est g)) campos singultibus implent.
- victores patrium contra paeana Geloni
- congeminant; eadem redeunt mox gaudia victis,[*](Redeunt tandem sua gaudia uictis habet Par. )
- qua[*](habet Par. | Qua V, Quos Par. ) deus et melior belli respexit imago.
- Quis tales obitus dederit, quis talia facta,[*](fata Heinsius )
- dic age, tuque feri[*](feri C, ueri V ) reminiscere, Musa, furoris.
- Absyrtus clipei radiis curruque coruscus
- Solis avi, cuius vibrantem[*](uibrantem M, uiprantem V ) comminus hastam
- cernere nec galeam gentes potuere minantem,
p.149