Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. fulsit ab invita numen[*](numen V, lumen Pius ) procul, et pavor artus
  2. protinus atque ingens Aeetida perculit horror.
  3. 'ergo nec ignotis Minyas huc fluctibus' inquit
  4. 'advenisse, soror, nec nostro sola parenti
    5. p.148
  5. scis socias iunxisse manus? at cetera muros
  6. turba tenet fruiturque virum caelestibus armis,
  7. tu thalamis ignava[*](ignara C, cod. Burmanni ) sedes, tu sola paterna
  8. fixa domo? tales quando tibi cernere reges?'
  9. illa nihil contra; nec enim dea passa manumque
  10. implicat et rapidis mirantem passibus aufert.
  11. ducitur infelix ad moenia summa futuri
  12. nescia virgo mali et falsae[*](falsae Bon. 1, falsi V ) commissa sorori:
  13. lilia per vernos lucent velut alba colores
  14. praecipue, quis vita brevis totusque parumper
  15. floret honor, fuscis et iam Notus imminet alis.
  16. hanc residens altis Hecate Perseia[*](perseia M, persia V ) lucis
  17. flebat et has imo referebat pectore voces:
  18. 'deseris heu nostrum nemus aequalesque catervas,
  19. a misera, ut Graias haut sponte vageris ad urbes,
  20. non iniussa[*](Non inuisa M ) tamen; neque te, mea cura, relinquam.