Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. it globus; ille diu coniectis sufficit hastis,
  2. quin etiam gravior nutuque[*](duo hemistichia excidisse perspexit Leo; sic suppl. Sudhaus nutuque inclinis Acastum ense petit visuque carens e. I.) ---
  3. carens exterruit Idam;
  4. tunc ruit ut montis latus aut ut machina muri,
  5. quae scopulis trabibusque diu confectaque flammis
  6. procubuit tandem[*](tandem M 2 T 1, tamen V | protulit V, idem aiis verbis expressit Stat. Theb. IX 556, propulit MT, vulgo ) atque ingentem protulit urbem.
  7. Ecce locum tempusque ratus iamque et sua posci
  8. proelia, falcatos infert Ariasmenus axes
  9. saevaque diffundit socium iuga protinus omnes
  10. Graiugenas, omnes rapturus ab agmine Colchos.
  11. qualiter exosus Pyrrhae genus aequora rursus
  12. Iuppiter atque omnes fluvium si fundat habenas,
  13. ardua Parnasi lateant iuga, cesserit[*](cesserit M, gesserit V post ) Othrys
  14. piniger et mersis decrescant rupibus Alpes:
  15. diluvio tali paribusque Ariasmenus urget
  16. excidiis nullo rapiens discrimine currus.
  17. aegida tum primum virgo spiramque Medusae
  18. ter centum saevis squalentem sustulit hydris,
    19. p.145
  19. quam soli vidistis equi. pavor occupat ingens[*](versum deesse suspicor)
  20. excussis in terga viris, diramque retorquent[*](retorquent Columbus, retorquet V )