Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. in socios non sponte luem. tunc ensibus uncis
  2. implicat et trepidos lacerat discordia currus.
  3. Romanas veluti saevissima cum legiones
  4. Tisiphone regesque movet, quorum agmina pilis,
  5. quorum aquilis[*](aquilis M 2, aqua lis V | parentes Burmann, parentis V ) utrimque micant, eademque parentes
  6. rura colunt, idem lectos ex omnibus agris
  7. miserat infelix non haec ad proelia Thybris:
  8. sic modo concordes externaque fata petentes
  9. Palladii[*](Palladii M, Palladit V ) rapuere metus, sic in sua versi
  10. funera concurrunt dominis revocantibus axes.
  11. non tam foeda virum Laurentibus agmina terris
  12. eiecere noti, Libyco nec talis imago
  13. litore, cum fractas involvunt aequora[*](aequora Bon. 1, aequore V ) puppes.
  14. hinc biiuges, illinc artus[*](artus M 2 T, arcus V | tendutur V ) tenduntur eriles,
  15. quos radii, quos frena secant, trahiturque trahitque
  16. currus caede madens, atroque in pulvere regum
  17. viscera[*](Viscera M, Vicera V ) nunc aliis, aliis nunc curribus haerent.
  18. haud usquam[*](Haut usquam V, augescunt dubitanter Sudhaus | neque in pestere uinctos V, neque cura cauere C, neque Graia morantur Sudhaus ad sententiam aptius ) Colchorum animi neque .....
  19. tela, sed implicitos miseraque in peste revinctos[*](in ueste reuinctos C )
  20. confodiunt ac forma necis non altera surgit,[*](altera surgit Bon. 1, aliter asurgit V )