Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. talis utrimque labos, raptataque limite in arto
  2. membra viri miseranda meant: hi tendere contra,
  3. hi contra, alternaeque virum non cedere dextrae.
  4. hinc medium Telamon Canthum rapit, hinc tenet ardens
  5. colla viri et molles galeae Gesander habenas,
  6. insonuit quae[*](quae T 1, Bon. 2 qua V ) lapsa solo dextramque fefellit.
  7. ille iterum in clipei septemplicis improbus orbem
  8. arietat et[*](Arietat et MC, Arietate V ) Canthum sequitur Canthumque reposcit,
  9. quem manus a tergo socium rapit atque receptum
    10. p.144
  10. virginis Euryales curru locat. advolat ipsa
  11. ac simul Haemonidae, Gesandrumque omnis in unum
  12. it manus. ille novas acies et virginis arma
  13. ut videt, 'has etiam contra bellabimus?' inquit;
  14. 'heu pudor.' inde Lycen ferit ad confine papillae,
  15. inde Thoen, qua pelta vacat; iamque ibat in Harpen[*](Harpen vulgo, harben V (h add. V 1))
  16. vixdum[*](Vixdum M, Vixtum V ) prima levi ducentem cornua nervo,
  17. et labentis[*](et labentis Heinsius, Inlabentis V, Illabentis C, fort. iam labentis (cf. iamque 375) | Menippen Balbus, enhippen V, et Henippen C ) equi tendentem frena Menippen:
  18. cum regina gravem nodis auroque securem
  19. congeminans partem capitis galeaeque ferinae
  20. dissipat. hic pariter telorum immanis in unum