Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- concitat; it[*](it Bon. 1, ad V ) medium per pectus et horrida nexu
- letifer aera chalybs. trepidus super advolat Idas
- ac simul Oenides pariterque Menoetius[*](Menoetius Bon 1, meonetius V ) et qui
- Bebrycio propius[*](propius sc. advolat, satis dure ) remeavit ab hospite victor.
- at vero ingentem Telamon procul extulit orbem
- exanimem te, Canthe, tegens; ceu saeptus in arto[*](arto vulgo, arcto V )
- dat catulos post terga leo, sic comminus astat[*](adstat Baehrens, hasta V, hastam Carrio )
- Aeacides gressumque tenet contraque ruentem
- septeno validam circumfert tegmine molem.
- nec minus hinc urget Scythiae manus armaque[*](armaque M, arma V ) Canthi
- quisque sibi et Graio poenam de corpore poscens.
- arduus inde labos, medioque in corpore pugna
- conseritur. magno veluti cum turbine[*](turbine Bon. 1, turmine V ) sese
- ipsius Aeoliae frangunt in limine venti,
- quem pelagi rabies, quem nubila, quemque sequatur
- ille dies: obnixa virum sic comminus haeret[*](certant, cui tempestatum regimen omnisque ille dies cedat)
- pugna, nec arrepto[*](arrepto Bon. 1, arreptos V | pelli Burmann, belli V, uelli T ) pelli de corpore possunt.
- ut bovis[*](Ut bouis T, Et uobis V | frangit V, frangere T ) exuvias multo qui frangit olivo
- dat famulis, tendunt illi tractuque vicissim
- taurea terga dormant, pingui fluit unguine[*](unguine Bon. 1, inguine V | tellus M, tellis V, pellis Damstē ) tellus: