Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- vellera et Euboicis patrios de montibus ignes.
- ilium, ubi congress submit Gesander iniquo,
- territat his: 'tu, qui faciles hominumque putasti
- has, Argive, domos, alium hic miser aspicis annum
- altricemque nivem festinaque taedia vitae.
- non nos aut levibus componere bracchia[*](brachia M, brahia V ) remis
- novimus aut ventos opus exspectare ferentes;
- imus equis, qua[*](qua M 2, quam V | aequore M, aequora V ) vel medio riget aequore pontus
- vel tumida fremit Hister aqua; nec moenia nobis
- vestra placent: feror arctois nunc liber in arvis
- cuncta tenens, mecum omnis amor, iacturaque plaustri[*](amori arcturaque plustri V, corr. M 1 ut vid. )
- sola, nee hac longum victor potiere rapina.[*](cf. Aen. X 739 sq.)
- ast epulae quodcumque pecus, quaecumque ferarum.
- mitte Asiae, mitte Argolicis mandata colonis,
- ne trepident;[*](trepident Bon. 1, trepidant V | relinquam T 1 Bon. 2, relinquat V, relinquant C ) numquam has hiemes, haec saxa relinquam,
- Martis agros, ubi tam saevo[*](ubi tam saeuo T, ubitam saeui V, (agro) subitam saeui C ) duravimus amne
- progeniem natosque rudes, ubi copia[*](copia M, capia V ) leti
- tanta viris. sic in patriis bellare pruinis
- praedarique iuvat, talemque hanc accipe dextram.'
- dixit, et Edonis[*](Edonis Pius, aedoniis V ) nutritum missile ventis