Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. vociferans, iterum belli diversa peragrat,
  2. lancea caeruleas circum strepit incita vittas.
  3. opprimit admissis ferus hunc Gesander habenis.
  4. ille manum trepidans atque inrita sacra tetendit
  5. 'te' que 'per hanc', inquit, 'genitor[*](inquit genitor C, genitor inquit V ) tibi si manet, oro
  6. canitiem, compesce minas et si tibi natus,[*](si tibi natus Koestlin, sicubi nato V )
  7. parce meo.' dixit. contra sic victor adacto
  8. ense refert:[*](refert T, refer V ) 'genitor, turpi durare senecta
  9. quem mihi reris adhuc, ipse hac occumbere dextra
  10. maluit atque ultro segnes abrumpere metas.
  11. et tibi si pietas nati, si dextra fuisset,
    12. p.142
  12. haut medii precibus tereres[*](tereres T, terere V | tempera Bon. 1, tempore V ) nunc tempora belli,
  13. praeda future canum. iuveni sors pulchrior omnis:[*](omnis Lennep, omni V )
  14. et certasse manu decet et caruisse sepulchre.'
  15. dixerat; ille deos moriens caelumque precatur,
  16. dextera ne misero talis foret obvia nato.
  17. Te quoque, Canthe, tui non inscia funeris Argo
  18. flevit ab[*](ab T, ad V ) invita rapientem tela carina.
  19. iam Scythicos miserande sinus, iam Phasidis amnem[*](amnem M, amne V )
  20. contigeras, nec longa dies, ut capta videres