Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- quin potius dextramque suam suaque arma sequantur,
- aut remeent; neque enim Aeetae promissa fidenque
- esse loco; abstineant alienae[*](alienae V, alienae a C ) sanguine pugnae.
- non illos ideo[*](ideo V adeo C ) tanti venisse labores
- per maris. ignotis quid opus concurrere nec quos[*](quos M, qus V )
- oderis? haec medio Perses dum tempore mandat,
- aureus effulsit[*](effulsit M 2, et fulsit V ) campis rubor, armaque et acres
- sponte sua strepuere tubae. Mars saevus ab[*](ab M 2, ob V ) altis
- 'hostis io' conclamat equis, 'agite ite,[*](agite ite M 2, agite ite ite V ) propinquat',
- ac simul hinc Colchos, hinc fundit in aequora Persen.
- tunc gens quaeque[*](tunc gens quaeque Meyncke, Tunc et quaeque V | telis Ald., terris V cf. Luc. VII 510 Illic quaeque suo miscet gens proelia telo) suis commisit proelia telis,
- voxque dei pariter pugnas audita per omnes.
- Hinc age Riphaeo quos videris orbe furores,
- Musa, mone, quanto Scythiam molimine Perses
- concierit, quis fretus equis per bella virisque.
- verum ego nec numero memorem nec nomine cunctos
- mile vel ora movens; neque enim plaga gentibus ulla
- ditior: aeterno quamnquam Maeotia pubes
- Marte cadat, pingui numquam tamen ubere defit,
- quod geminas[*](geminas M 2, geminos V ) arctos magnumque quod impleat anguem.
p.132