Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ambitumque senem promissaque vellera puppi[*](pubi Heinsius )
  2. Thessalicae. citus ad summi stellantia patris
  3. tecta ruit questuque Iovem testatur acerbo:
  4. 'quae studiis, rex magne, quies? iam mutua divi[*](divi Gronovius, uidi V )
  5. exitia in solos hominum molimur honores,
  6. teque ea cuncta iuvant, rabidam qui Pallada caelo
  7. non abigis neque femineis ius obicis ausis.
  8. non[*](Non cod. Burmanni, Num VC | querar C | extructa M, exfructa V ) queror, exstructa quod vexerit ipsa carina
  9. vellera sacra meis sperantem avertere lucis,
  10. quodque palam tutata viros: sic cetera pergat,
  11. si valet. insidiis quid nunc fallacibus ambit,
  12. nostra ut Phrixeo spolientur templa metallo?
  13. non opus auxilio Colchis nec foedere vestro:
  14. et Persen simul et Minyas deposcimus hostes.
  15. quin age - quid tantae coeunt in proelia gentes?
  16. quid tuus Aesonides? - imus nos, protinus imus
  17. in nemus auriferum et sumptis decernimus armis?
  18. vel tu sola polo tacitis inopina tenebris
  19. labere: quantus ibi deus experiere nec illas
  20. adstiteris impune trabes. an Martia templa