Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. nec requies, quin Marte diem noctemque fatiget;
  2. atque ubi Riphaea stupuerunt flumina bruma,
  3. iam pavidi cum prole Getae, iam pervigil ilium
  4. Medus et oppositis exspectat Hiberia claustris.
  5. hos autem quae quemque manus,[*](manus C Bon. 1, magnus V | quae C, om, V ) quae signa sequantur,
  6. si memorem, prius umentem lux solverit umbram.
  7. cras acies atque illa ducum eras regna videbis
  8. dissona, saxiferae surgat quibus imber habenae,[*](arenae C )
    9. p.128
  9. quae iaculo gens apta levi, quae[*](Quae T Bon. 2, Qua et V | quae (picta) Bon. 1 qui V ) picta pharetris
  10. venerit. ingentes animo iam prospice campos,
  11. atque hanc alipedi pulsantem corpora[*](corpora MC, corporo V ) curru
  12. Euryalen, quibus exsultet Mavortia turmis
  13. et quantum elata valeat peltata securi,
  14. cara mihi et veras inter non ultima natas.'
  15. fatur et occiduo libat cratera parenti.
  16. quisque suis[*](suis T, suum V ) tum vota deis et pocula fundit,
  17. dent aciem, dent belligeros[*](dent (belligeros) M 2, dant V ) superare labores.
  18. Ecce autem Geticis veniens Gradivus ab antris
  19. ingentemque trahens arctoa per aequora nubem
  20. aspicit Aeaea[*](Adsp. Aeetae C ) Minyas stupefactus in urbe