Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. expertique[*](Expertique M 2, Experti quo V | arcusque Bon. 2 ) simul, si tela artusque sequantur.
  2. nec quisquam freta nec patrias iam respicit urbes,[*](urbes M, urbe V )
  3. sed magis ad praesens itur decus. incita cristas
  4. aura quatit, variis floret via discolor[*](decolor C ) armis,
  5. qualis ab Oceano nitidum chorus aethera vestit,
  6. qualibus adsurgens nox aurea cingitur astris.
  7. illos Sole satus tacita maestissimus[*](mestissumus V ) ira
  8. miratur temere adsumptos, nec talia mallet
  9. robora, quam medios hostem subiisse penates.
  10. interea laeto patitur[*](potitur C | cultu V, vultu vulgo, sed cf. Tac. Ann. II 75 fin. ) convivia cultu
  11. et iuxta Aesoniden magno cratere lacessit
  12. nunc sibi monstrantem natos Iovis oraque iuxta
  13. Aeacidum, nunc ingentis Calydonos alumnos;
  14. audit et Alciden infando errore relictum
  15. defletosque duces terraeque marisque labores.
  16. ipse autem tantis concita furoribus arma
  17. expetit Aesonides et amicos ordine reges:
  18. 'quis procul ille virum, nodis[*](nodis Heinsius, nobis V ) quem balteus asper
    19. p.127
  19. subligat et stricto stat proximus armiger arcu,
  20. ceu pugnam paret et positas confundere mensas?'