Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. clamantemque procul linquens regina parentem.
  2. urbs erat hinc contra gemino circumflua ponto,
  3. ludus ubi et cantus[*](et cantus codd. Pii et Harlesii, extantus V, est tantus C ) taedaeque in nocte iugales
  4. regalique toro laetus gener: ille priorem
  5. deserit; ultrices spectant a culmine Dirae.
  6. deficit in thalamis turbataque paelice coniunx[*](coniunx M, coniunxi V )
  7. pallam et gemmiferae donum exitiale coronae
  8. apparat ante omnes secum dequesta labores.
  9. munere quo patrias paelex ornatur ad aras
  10. infelix, et iam rutilis correpta venenis
  11. implicat igne domus.[*](domos CM 2 ) haec tum miracula Colchis
  12. struxerat Ignipotens nondum noscentibus, ille[*](ille Heinsius, illa V )
  13. quis labor, aligeris[*](aligeris M, ali V (us eras. vid., sed 4–5 litt. spatium relictum)) aut quae secet anguibus auras
  14. caede madens; odere tamen visusque reflectunt.
  15. Quin idem Minyas operum defixerat error,[*](error V, horror Meyncke )
  16. cum se Sole satus patriis penetralibus[*](penetralibus M 2 C, penetrabilibus V ) infert.
  17. filius hunc iuxta primis Absyrtus in annis,
  18. dignus avo quemque insontem meliora manerent.
  19. tum gener Albanis Styrus qui advenerat oris,
    20. p.123
  20. distulerant sed bella toros; tum Phrontis[*](Phrontis Pius, phontis V ) et Argus