Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Phasidis hos imponat agris Colchosque vocari
  2. imperet: Arsinoen illi tepidaeque[*](tepidaeque Parrhasius, trepidaeque VC | ad requirnnt cf. Aen. I 216 sq. ) requirunt
  3. otia[*](Otia M, Otila V ) laeta Phari pinguemque sine imbribus annum
  4. et iam Sarmaticis permutant carbasa bracis.[*](braeis V )
  5. barbarus in patriis sectatur montibus Aean
  6. Phasis amore furens: pavidas iacit illa[*](illa M 2, ulla V ) pharetras
  7. virgineo turbata metu discursibus et iam
  8. deficit, ac volucri victam deus alligat unda.
  9. flebant populeae iuvenem Phaethonta sorores,
    10. p.122
  10. ater et Eridani trepidum globus ibat in amnem;
  11. at iuga vix Tethys sparsumque recolligit axem
  12. et formidantem patrios Pyroenta dolores.
  13. aurea quin etiam praesaga Mulciber arte
  14. vellera venturosque olim caelarat[*](celarat M, celerat V ) Achivos:
  15. texitur Argoa pinus Pagasaea securi,
  16. iamque eadem remos, eadem dea flectit habenas;
  17. ipsa[*](Ipse C ) subit nudaque vocat dux agmina dextra.
  18. exoritur notus et toto[*](toto C, Sabellicus, torto V ) ratis una profundo
  19. cernitur; Odrysio gaudebant carmine phocae.
  20. apparent trepidi per[*](per C, om. V ) Phasidis ostia Colchi