Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- Iuno virum, prior Aeetae ne nuntius adsit.
- iamque inerat populo mediaeque incognitus urbi,
- cum comes orsa loqui. 'Phoebi genitoris ad aras
- ventum' ait. 'huc adytis iam se de more paternis
- rex feret; hic proceres audit populosque precantes
- adloquiis facilis: praesens pater admonet aequi.'[*](ammouet aequi C )
- Dixerat.[*](huc transposuit Bon.2, post 426 exhibet V | Dixerat M, Adixerat V ) ast illi propere monstrata capessunt
- limina.[*](Limina M, Blimina V ) non aliter, quam si radiantis adirent
- ora dei verasque aeterni luminis arces:
- tale iubar per[*](per C T 1, om. V | atlas M 2, atdans V ) tecta micat. stat ferreus Atlans
- Oceano, genibusque tumens infringitur[*](infringitur Pius, infrangitur V ) unda;
- at medii per terga senis rapit ipse nitentes
- altus equos curvoque diem subtexit Olympo;
- pone rota breviore soror densaeque sequuntur
- Pliades et madidis rorantes crinibus ignes.
- nec minus hinc[*](hinc Heinsius, hic V ) varia dux laetus imagine templi
- ad geminas[*](Adgeminas M, Adgeminans V ) fert ora fores cunabula gentis
- Colchidos hic ortusque tuens: ut prima Sesostris
- intulerit rex bella Getis, ut clade suorum
- territus hos Thebas patriumque reducat ad amnem,