Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

ad sua Caucaseae producunt flumina Nymphae.
si domus in terris atque hinc tibi gentis origo,
felix prole parens, olimque beatior ille,
qui tulerit longis et te[*](et te M 2, ecce V ) sibi iunxerit annis.
sed fer opem, regina, viris. nos[*](nos varia lectio codicis Bon., non VC | hospita MChospia, V ) hospita pubes
advehimur, Graium proceres tua[*](proceres tua M, procerestatua V ) tecta petentes.
duc, precor, ad vestri quicumque est ora tyranni
ac tu[*](ac tu Pius, Astu V | doce Bon. 2, duce V ) prima doce fandi tempusque modumque;
nam mihi sollicito deus ignaroque locorum
te dedit; in te animos atque omnia nostra[*](adque V, sed et C | nostra MN, nostro V ) repono.'
Dixit et opperiens trepidam stetit. illa parumper
virgineo cunctata metu sic orsa vicissim:[*](sic orsa uicorsa uicissim V, corr. M )
'quem petis Aeeten, genitor meus, ipsaque iuxta
moenia, si vivos[*](uiuos VC, biuios Heinsius ) possis discernere calles:
hac[*](hac Iunt. 1 Huc V ) adeo duce ferte gradus; ingentia namque
castra alios aditus atque impius obsidet hostis.'
dixerat haec patriumque[*](patriumque M 2, patrium V | amnem M 2 T, omnem V ) viam detorquet ad amnem,
sacraque terrificae supplex movet inrita Nocti.
Ille autem inceptum famula duce protinus urget

p.121