Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. his turbata minis fluvios ripamque petebat
  2. phasidis aequali Scythidum[*](aequali Schytidum C, aequalis q: thidum V ) comitante caterva.
  3. florea per verni qualis iuga duxit Hymetti
  4. aut Sicula sub rupe choros hinc gressibus haerens
  5. Pallados hinc carae Proserpina iuncta Dianae,
  6. altior ac nulla comitum certante, prius quam
  7. palluit et viso pulsus decor omnis Averno:
  8. talis et in vittis geminae cum lumine taedae
  9. Colchis erat nondum miseros exosa parentes.
  10. ut procul extremi gelidis a fluminis undis
  11. prima viros tacito vidit procedere passu,
  12. substitit ac maesto nutricem adfata timore est:
  13. 'quae manus haec, certo ceu me petat agmine, mater,
  14. advenit[*](Aduenit M, Aduenis V ) haud armis, haud umquam cognita cultu?
  15. quaere fugam, precor, et tutos circumspice saltus.'
  16. audit virginei custos grandaeva pudoris
  17. Henioche,[*](Enioche V ) cultus primi cui creditus aevi;
  18. tum trepidam dictis firmans hortatur alumnam:
  19. 'non tibi ab hoste minae nec vis' ait 'ulla propinquat
  20. nec[*](Nec M 2 Necte V ) metus; externo iam flanimea murice cerno