Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quod petimus. sin vero preces et dicta superbus
  2. respuerit,[*](Respuerit M 2, Respuent V | firmate M 2, firmata V ) iam nunc animos firmate repulsae,
  3. quaque via patriis referamus vellera terris,
  4. stet potius: rebus semper pudor absit in artis.'[*](rebus pudor absit in artis habet Par. )
  5. dixerat et Scythicam qui se comitentur ad urbem
  6. sorte petit, numeroque novem ducuntur ab omni.
  7. inde viam qua Circaei plaga proxima campi
  8. corripiunt regemque petunt iam luce reducta.
  9. Forte deum variis per noctem territa monstris
  10. senserat ut pulsas tandem Medea tenebras,
  11. rapta toris primi iubar ad placabile Phoebi
  12. ibat et horrendas lustrantia[*](lustrantia MC, lustratia V | C, cod. Burmanni ) flumina noctes.
  13. namque soporatos tacitis in sedibus artus
  14. dum premit alta quies nullaeque in virgine curae,
  15. visa pavens castis Hecates excedere lucis;
  16. dumque pii petit ora patris, stetit arduus inter
  17. pontus, et ingenti circum stupefacta profundo,
  18. fratre tamen conante sequi.[*](fratre tamen conante sequi C, cod. Pii, Frater et amen conantes qui V (e ante qui add. V 2) | stara V ) mox stare paventes
  19. viderat intenta pueros nece seque trementum
    20. p.119
  20. spargere caede manus et lumina rumpere fletu.