Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. dicta dabant ventis nec debita fata movebant.
    2. p.108
  2. qualem praecipiti gravidum iam sorte parentem
  3. natorum flet parva manus trepidique precantur,
  4. duret ut invalidis et adhuc genitoris egenis,
  5. haut aliter socii supremo in tempore[*](tempore V, funere C ) Tiphyn
  6. ante alios superesse volunt. mors frigida contra
  7. urget, et ille recens oculis intervolat Idmon.
  8. exanimum frustra Minyae clamore morantur
  9. avellique negant; vix membra rigentia tandem
  10. imposuere rogo lacrimasque et munera flammis
  11. vana ferunt; crescit donis feralis acervus.
  12. ut vero amplexus fessi rupere supremos
  13. et rapidae sonuere faces, tunc ipsa cremari
  14. visa ratis medioque viros deponere ponto.
  15. non tulit Aesonides[*](Aesonides Bon. 2, aesonidus V, aesonius MT, codd. Bon. et Burmanni | fraglantia V ) geminis flagrantia cernens
  16. corpora cara rogis, sed pectore ductor ab imo
  17. talia voce[*](uoce M, uoces V ) gemit: 'quid tantum infensa repente
  18. numina? quas nostri poenas meruere labores?
  19. bina (nefas) tuto[*](tuto Sabellicus, toto VC | surgunt M 2 T, surgent V ) pariter mihi funera surgunt
  20. litore. magna adeo comitum numerosaque pubes?