Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- Altera lux haud laeta viris emersit Olympo:
- Argolicus morbis fatisque rapacibus Idmon
- labitur extremi sibi tum non inscius aevi.
- at memor Aesonides nimium iam vera locuti
- Phincos hinc alios rapto[*](rapto M 2, rapta V ) pavet Idmone luctus.
- tunc[*](Tun V ) comiti pia iusta tulit caelataque multa
- arte Dolionii donat velamina regis,
- hospes humum sedemque Lycus. flens arma revellit
- Idmonis e celsa Mopsus rate; robora caedunt
- pars silvis portantque arae, pars auguris alba
- fronde caput[*](caput Bon. 1 om. V, possis etiam comas (cf. Stat. Ach. I 289)) vittisque ligant, positumque feretro
- congemuere; dies simul et suns admonet omnes.
- Ecce inter lacrimas interque extrema virorum
- munera, quem cursus penes imperiumque carinae,[*](carinae M 2, carina V )
- Tiphyn agit violenta lues, cunctique pavore
- attoniti fundunt maestas ad sidera[*](ad sidera M, asidera V ) voces:
- 'arquipotens adverte, precor, nunc denique Apollo;
- hoc, pater, hoc nobis refove caput, ulla laboris
- si nostri te cura movet, qui cardine summo
- vertitur atque omnis manibus nunc pendet ab unis.'