Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. aut socios rapit atra dies aut ipse relinquo[*](relinquor CT )
  2. sontibus impulsus Furiis. ubi Tiphys?[*](funis subit iphys V ) ubi Idmon
  3. fata canens? ubi monstriferae par ille novercae?
  4. te sine, Thespiade, nos ulla movebimus ultra
  5. aequora? nec summa speculantem puppe videbo
  6. Pleiadumque globos et agentes noctibus Arctos?
  7. cui Minyas caramque ratem, cui[*](Cui M, Cy V ) sidera tradis?
  8. carpere securas quis iam iubet Aesona noctes?
  9. hoc labor, hoc dulci totiens fraudata sopore
  10. lumina et admotis nimium mens anxia Colchis[*](admotis — Colchis Gronovius, cf. IV 544 sq., adtonitis — colchis V, adtonitis — curis Balbus )
  11. profuit? heu quantum Phasis, quantum Aea[*](Aea cod. regius, aeta VC ) recessit.
    12. p.109
  12. nunc quoque, si tenui superant[*](superant M 2, superat V ) in imagine curae,
  13. adsis umbra, precor, venturi praescia[*](prescia Bon. 1, praesagia V ) caeli
  14. rectoremque tuae moneas ratis.' haec ubi fatus,
  15. sola virum flammis vidit labentibus[*](lambentibus C ) ossa.
  16. 'quod tamen externis[*](externis MCT, extermis V, extremis Pius ) unum solamen in oris
  17. restat' ait, 'caras humus haec non dividat umbras
  18. ossaque nec tumulo nec separe[*](se pare M, sapere V ) contegat urna,
  19. sed simul, ut iunctis venistis in aequora fatis.'
  20. haud mora: reliquias socii defletaque miscent