Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- signaque commemorant emensasque[*](emensasque M 2, e mensas quo V ) ordine gentes
- dantque ratem fluvio. simul aethere plena corusco
- Pallas et alipedum Iuno iuga sistit equorum.
- Ac dum[*](Ac dum M, Actum V ) prima gravi ductor subit ostia pulsu,
- populeos flexus tumulumque virentia supra
- flumina cognati medio videt aggere Phrixi,
- quem comes infelix Pario[*](Pario Maserius paruo V, paruo C ) de marmore iuxta
- stat soror, hinc saevae formidine maesta novercae,
- inde maris, pecudique timens imponere palmas.
- sistere tum socios iubet atque hinc prima ligari
- vincula, ceu Pagasas patriumque intraverit amnem.
- ipse gravi patera sacri libamina Bacchi
- rite ferens umbram vocat et sic fatur ad aras:
- 'per genus atque pares tecum mihi, Phrixe,[*](phrixe M, phire V | laboris V ) labores
- tu, precor, orsa[*](orsa Bon. 2, ossa V ) regas meque his tuteris in oris
- tot freta, tot durae properantia sidera brumae[*](properantia s. brumae Sudhaus, properanti s. passum V, properantia s. passis C )
- passum.[*](passum Sudhaus huc transtulit e v. 196, Phrixe f. et p. r. t. V lacuna non significata, placidus post patrias inseruit C ) Phrixe, fave et patrias reminiscere terras.
- tu quoque nunc, tumulo nequiquam condita inani,
- adnue diva maris numeroque accede tuorum.
- quando egomet rursus per te vehar?[*](per te uehar C, perteue ara V, ego te r. praetervehar Pius ) aurea quando
p.114