Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Altius hinc[*](hinc cod. regius, T 1, in V ) ventos recipit ratis, ac fugit omne
  2. Crobiali[*](Crobiali Bon. 2, Cobilli V, Cobylli MC ) latus et fatis tibi, Tiphy, negatum
  3. Parthenium, ante alios Triviae qui creditur amnis
    4. p.111
  4. fidus et Inopi[*](Inopi Hermolaus Barbarus, inopia V, Enopiae C ) materna gratior unda.
  5. mox etiam Cromnae[*](Cromnae Heinsius, cromanae VC | pallentemque C M 2 T, cod. Burmanni, pallentem V | Cytoron T Bon 2 citheron V, Cytheram C ) iuga pallentemque Cytoron
  6. teque cita penitus condunt, Erythia, carina.
  7. iamque reducebat noctem polus: alta[*](alta M, alca V ) Carambis
  8. raditur et magnae pelago tremit umbra Sinopes.
  9. Assyrios complexa sinus stat opima Sinope,
  10. nympha prius blandosque Iovis quae luserat ignes
  11. caelicolis immota procis: deceptus amatae
  12. fraude deae nec solus Halys[*](halys V, Hylas C ) nec solus Apollo.
  13. Addidit hic casu comites Fortuna benigno
  14. Autolycum[*](Autolycum Pius, Aut holitum V, Autolitum C | Phlogiumque T 2, Bon. 2, phogiumque VC | Deileonta Bon. 2, deiolenta VC | secutos >M 2, secutus V ) Phlogiumque et Deileonta, secutos
  15. Herculis arma viros; vagus hos ibi fixerat error.
  16. ut Graiam videre manum puppemque Pelasgum,[*](Pelasgam Bon. 1 )
  17. prima ruunt celeres ad litora seque precantur
  18. accipiant socios. nova dux accedere gaudet
  19. nomina desertos et iam sibi currere remos.
  20. transit Halys[*](halys M 2, halyx V | amfractibus M, autfractibus V ) longisque fluens anfractibus Iris