Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- saevaque Thermodon[*](thermodoon V | murmura M 2, murmure V ) medio sale murmura volvens,
- Gradivo sacer et spoliis ditissimus amnis,
- donat equos, donat votas cui virgo secures,
- cum redit ingenti per Caspia claustra triumpho
- Massageten[*](Massageten C Pius, Messageton V | medumque M 2 T 1 mediumque V ) Medumque trahens. est vera propago
- sanguinis, est ollis genitor deus. hinc magis alta
- Haemonidae petere et monitus non temnere Phinci.
- ipse autem comitum conversus ad ora novorum
- 'vos mihi nunc pugnas' ait 'et victricia' ductor
- 'Herculis arma mei vestrasque in litore Martis
- interea memorate manus.' sic fatus et aegro
- corde silens audit cursus[*](cursus doctus quidam apud Harlesium, currus V ) bellique labores
- virginei, exciderit frenis quae prima remissis,
- semianimem patrius quam sanguine vexerit amnis[*](quam sanguine uexerit amnis V, quam uexerit amnis in aequor C )
- quae pelta latus atque umeros[*](humeros M 2 T umeris V ) nudata pharetris
- fugerit Herculeae mox vulnere prensa sagittae,
- utque securigeras stimulaverit Ira catervas
- fleturusque pater, quantus duce terror in ipsa,
- qui furor, insignis quo balteus arserit auro.
- Nocte sub extrema clausis telluris ab antris
p.112