Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Thyias et infelix cuperet vidisse Cithaeron.
  2. Fama per extremos quin iam volat improba manes
  3. interea et magnis natorum laudibus implet[*](in textu om. C et marg. add. | fatorum C | excidit vs. huius fere sententiae inferna qui sede latent, rate pervia Ponti; T, cod. regius, cod. Pom- ponii Laeti hunc vs. exhibent: venturam caelo fatis melioribus Argo)
    4. ---
  4. addita iamque[*](Addita iamque T 1 Bon. 1, Additamque V, Addictasque C | iamque T Bon. 2, namque V, quaque C | patentes marg. Venetae exemplaris Vaticani adscriptum, pharentes V, ferentes C ) fretis repetens freta iamque patentes
  5. Cyaneas. ardent avidos attollere vultus,
  6. quos pietas vel tangit adhuc quos aemula virtus.
  7. fata immota manent; unum, qui litore[*](litore M, liotore V ) in illo
  8. conditus, ad carae mittunt spectacula turbae.
  9. it Sthenelus.[*](It ythenelus V ) qualem Mavortia vidit Amazon
  10. cumque suis comitem Alcides ut condidit armis,
  11. talis ab aequorei consurgens aggere busti
  12. emicuit; fulsere undae, sol magnus ut orbem
  13. tolleret aut nubem quateret[*](quateret Bon. 1 quater V | cauixdum V ) polus. atque ea vixdum
  14. visa viris atra nox protinus abstulit[*](attulit C | umbra Heinsius, umbram V ) umbra.
  15. ille dolens altum repetit chaos. omina[*](omina C Ald., omnia VM ) Mopsus
  16. dum stupet, in prima tumulum procul aspicit acta,
  17. obnubensque caput cineri dat vina vocato.
  18. carmina quin etiam visos placantia manes
  19. Odrysius dux[*](dux V, dum C ) rite movet mixtoque sonantem
  20. percutit ore[*](Percutit ore T, Perclytore V ) lyram nomenque relinquit harenis.