Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. proxima Thermodon[*](Thermodoon C M 2 T | hinc Madvig, hic V ) hinc iam secat arva, memento:
  2. inclita Amazonidum magnoque exorta Gradivo
  3. gens ibi; femineas nee tu nunc crede catervas,
  4. sed qualis, sed[*](sed Pius, et V ) quanta viris insultat Enyo
  5. divaque Gorgonei gestatrix innuba monstri.
  6. ne tibi tunc[*](tunc Bon. 2, nunc V ) horrenda rapax ad litora puppem
  7. ventus agat, ludo volitans cum turma superbo
  8. pulvereis exultat equis ululataque tellus
  9. intremit et pugnas mota pater incitat basta.
  10. non ita sit[*](fort. non ita set, cf. VIII 318 ) metuenda tibi saevissima quamquam
  11. gens Chalybum, duris patiens cui cultus in arvis
  12. et tonat adflicta semper domus ignea massa.
  13. inde omnem innumeri reges per litoris oram,
  14. hospitii quis nulla fides; sed limite[*](limite Pomponius Laetus, limine V ) recto
  15. puppis et aequali transcurrat carbasus aura.
  16. sic demum rapidi venies ad Phasidis amnem.
  17. castra ibi iam Scythiae fraternaque surgit Erinys.
  18. ipse truces illic Colchos hostemque iuvabis
  19. auxiliis. nec plura equidem discrimina cerno.
    20. p.102
  20. fors etiam optatam dabitur contingere pellem.