Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. manserit hoc ultra frontis[*](frontis X 2 M 2, fontis V ) decus orave matri
  2. nota feres. tune a sociis electus[*](Nota etiam V habet | tune a Thilo, tuneo V, tune e C | electus C, eluctus V ) iniquis?
  3. tune[*](Tune X(?)M, Tunc V ) Amyci moriere manu?' nec plura moratus
  4. ingentes umeros spatiosaque pectoris ossa
  5. protulit horrendosque toris informibus artus.
  6. deficiunt visu Minyae,[*](visu Minyae cod. Bon., T, uisum inse V ) miratur et ipse
  7. Tyndarides; redit Alcidae iam sera cupido
  8. et vocuo maestos[*](uocuo V, uacuo M, sed cf. III 721 | maestos Koestlin, maesto V ) lustrarunt lumine montes.
  9. at satus aequoreo fatur tunc talia rege:
  10. 'aspice et haec crudis durata volumina tauris;
  11. nec peto[*](peto Burmann, petae V ) sortis opem, sed quos potes indue caestus.'
  12. Dixit et urgentis per sera[*](per sera Baehrens, post sera V, pro sera Madvig ) piacula fati
  13. nescius extremum hoc armis innectere palmas
  14. dat famulis, dat et inde Lacon. odia aspera surgunt
  15. ignotis prius atque incensa mente feruntur[*](feruntur SM, feruruntus V )
  16. in medium sanguis Iovis et Neptunia proles.
  17. hinc illinc dubiis intenta silentia votis,
  18. et pater orantis caesorum Tartarus umbras
  19. nube cava tandem ad meritae spectacula pugnae[*](poenae Wagner )
  20. emittit; summi nigrescunt culmina montis.