Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ulla fretum et ponto volitet Symplegas inani.'
  2. Talia dicta dabat, cum protinus asper Iason
  3. et simul Aeacidae[*](Aeacidae Carrio, cf. V 573, aeacides V ) simul et Calydonis alumni
  4. Nelidesque Idasque prior quae maxima surgunt
  5. nomina; sed nudo steterat iam pectore Pollux.
  6. tum[*](tum Thilo, Cum V ) pavor et gelidus defixit Castora sanguis.
  7. nam nec ad Elei pugnam videt ora parentis,
  8. nec sonat Oebalius caveae favor aut iuga nota
  9. Taygeti, lavitur[*](lavitur Bon. 2, labitur V, capitur C ) patrios ubi victor ad amnes,
  10. nec pretium sonipes aut sacrae taurus harenae,
  11. praemia sed manes reclusaque ianua leti.
  12. illum Amycus nec fronte trucem[*](trucem Bon. 2, ducem V ) nec mole tremendum
  13. vixdum etiam primae spargentem signa iuventae
  14. ore renidenti lustrans obit et fremit ausum,
    15. p.89
  15. sanguineosque rotat furiis ardentibus orbes.
  16. non aliter iam regna poli, iam capta Typhoeus
  17. astra ferens Bacchum ante acies primamque deorum[*](deorum V 1 ut vid., M, deosum V )
  18. pallada et oppositos doluit sibi virginis angues.
  19. sic adeo insequitur rabidoque ita murmure terret:
  20. 'quisquis es, infelix celera puer; haut tibi pulchrae