Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. continuo Bebryx, Maleae velut arce fragosae[*](uelut X 2, uolut V | fragosae Kr., fragosa V )
  2. turbo rapax, vix ora virum, vix tollere passus
  3. bracchia torrenti praeceps agit undique nimbo
    4. p.90
  4. cursibus involvens, totaque immanis harena
  5. insequitur. vigil ille metu cum pectore et armis
  6. huc alternus et hue, semper cervice reducta,
  7. semper et in digitis et summi pulvere campi,
  8. proiectusque[*](vocibus proiectus et effusus (304) notantur schemata pugnatorum pedem proferentium ) redit. spumanti qualis in alto
  9. Pliade capta ratis, trepidi[*](trepidi M 2, trepida V ) quam sola magistri
  10. cura tenet, rabidum[*](rabidum Friesemann, rapidum V ) ventis certantibus aequor
  11. intemerata secat, Pollux sic providus ictus
  12. servat et Oebalia dubium caput eripit[*](erigit C ) arte.
  13. ut deinde urgentes effudit nubibus iras
  14. ardoremque viri, paulatim insurgere fesso[*](fesso codd. Pii, ferro VC )
  15. integer[*](Integer CT, 1 Integet V ) et summos manibus deducere caestus.
  16. ille dies aegros Amyci sudoribus artus
  17. primus et arenti cunctantem vidit hiatu,
  18. nec sua defessum noscunt loca nec sua regem
  19. agmina. respirant ambo paulumque reponunt
  20. bracchia, ceu Lapithas aut Paeonas[*](Paeonas Iunt. 1, poenas V ) aequore in ipso