Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. it taciti secura metus. mortalia nusquam
  2. signa manent; instar scopuli, qui montibus altis
  3. summus abit longeque iugo stat solus ab omni.
  4. devolat inde furens, nec quo via curve profecti
  5. nec genus ante rogat, sed tali protonat ira:
  6. 'incipite, o[*](o XM 2, eo V ) iuvenes. etenim fiducia, credo,
    7. p.88
  7. huc tulit auditas et sponte lacessitis oras.
  8. sin errore viae necdum mens gnara[*](gnara M 2 T 1, ignara V ) locorum,
  9. Neptuni domus haec,[*](huc transposuit Schenkl domus haec Loehbach, domus adque V, haec domus atque Bur- mann ) egomet Neptunia proles.
  10. hie mihi lex caestus[*](caestus CT, caestu V ) adversaque tollere contra
  11. bracchia. sic ingens Asiae plaga quique per arcton
  12. dexter et in laevum pontus iacet haec mea visit
  13. hospitia; hoc cuncti remeant certamine reges.[*](functi Burmann, sed hoc — certamine pro abla- tivo pretii est, certamen est pretium (λύτρον), quo se redimunt | reges SM, rege V )
  14. iam pridem caestus resides et frigida raris
  15. dentibus aret humus. quis[*](quis Heinsius, qui V ) mecum foedera iunget?
  16. prima manu cui dona fero?[*](feram Heinsius, sed cf. Langen ad V 285 ) mox omnibus idem
  17. ibit honos. fuga sub terras, fuga nulla per auras.
  18. nec lacrimae (ne ferte[*](neferte V, nec forte XT ) preces) superive vocati
  19. pectora nostra movent; aliis rex Iuppiter oris.
  20. faxo Bebrycium nequeat transcendere puppis