Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Sol iuga sidereos nec mittit Iuppiter annos.
  2. stant tacitae[*](tacitae Bon. 2, sitae a V 1 corr. in citae) frondes immotaque silva comanti
  3. horret acerna[*](acerna Sudhaus et rei causa et metri, cf. Aen. IX 87 et Serv. ad Aen. II 16, uerna V, Averna Hein- sius ) iugo; specus umbrarumque meatus
  4. subter et[*](et 405 inverso ordine in V, corr. Bon. 1 ) Oceani praeceps fragor arvaque nigro
  5. vasta metu et subitae post longa silentia voces.
  6. ensifer hic atraque sedens in veste Celaeneus
  7. insontes errore luit culpamque remittens
  8. carmina turbatos volvit placantia manes.
  9. ille mihi quae danda forent[*](forent XM 2, fores V ) lustramina caesis
  10. prodidit, ille volens Erebum terrasque retexit.
  11. ergo ubi puniceas oriens accenderit[*](accenderit Burmann, ascenderit V ) undas,
  12. tu socios adhibe[*](adhibe M 2, Slothouwer, adhibere V ) sacris armentaque magnis
  13. bina deis; me iam coetus accedere vestros
  14. haut fas interea, donec lustralia pernox
  15. vota fero. movet en gelidos Latonia currus:
  16. flecte gradum, placitis[*](placidis cod. Bon. ) sileant age litora coeptis.'
  17. Iamque sopor mediis tellurem presserat horis
  18. et circum tacito volitabant somnia mundo,
  19. cum vigil arcani speculatus tempora sacri
  20. Ampycides petit adversis Aesepia[*](esepia V, Aesopia C a, Asopia C b ) silvis