Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. flumina et aequoreas pariter decurrit ad undas.[*](undas SM 2, undā V )
  2. hic sale purpureo vivaque nitentia lympha
  3. membra novat seque horrificis[*](horrificis M, horrigis V ) accommodat actis.
  4. tempora tum vittis et supplice castus oliva
  5. implicat et stricto designat litora ferro;
  6. circum humiles aras ignotaque nomina divum
  7. instituit silvaque super contristat opaca,
    8. p.70
  8. utque metum numenque loco sacramque quietem
  9. addidit, ardenti nitidum iubar evocat alto.
  10. Atque Argoa manus variis insignis in armis
  11. ibat agens lectas aurata fronte bidentes.
  12. Delius hic longe candenti veste sacerdos
  13. occurrit ramoque vocat; iamque ipse recenti[*](uocat V, nouat C Pius | recenti M, recentis V )
  14. stat tumulo placida transmittens agmina lauro.
  15. ducit et ad fluvios ac vincula[*](fluuiosa cunicula V, corr. Bon. 1 ) solvere monstrat
  16. prima pedum glaucasque[*](glaucasque PM 2 C, glaucaque V ) comis praetexere frondes
  17. imperat, hinc alte Phoebi surgentis ad orbem
  18. ferre manus totisque simul procumbere campis.
  19. tune piceae mactantur oves, prosectaque partim
  20. pectora, per medios partem gerit obvius Idmon.