Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. fas ideo miseere neces ferroque morantes
  2. exigere[*](Exigere M, Exiere V ) hinc animas redituraque semina caelo.
  3. quippe nec in ventos nec in ultima solvimur ossa:
  4. ira manet duratque dolor. cum deinde tremendi
  5. ad solium venere Iovis questuque nefandam
  6. edocuere necem, patet ollis ianua leti
  7. atque iterum remeare licet; comes una sororum
  8. additur et pariter terras atque aequora lustrant.
  9. quisque suos sontes inimicaque pectora poenis
  10. implicat et varia meritos formidine pulsant.
  11. at quibus invito[*](fort. invitae) maduerunt sanguine dextrae,
  12. si fors saeva tulit miseros, sed proxima culpae,[*](culpae cod. Burmanni, culpa V )
  13. hos variis mens ipsa modis agit, et sua carpunt
  14. facta viros: resides et iam nil amplius ausi
  15. in lacrimas humilesque metus aegramque fatiscunt
  16. segnitiem, quos ecce vides. sed nostra requiret
  17. cura viam. memori iam pridem cognita vati[*](uati cod. Burmanni, uate V )
  18. est procul ad Stygiae devexa silentia noctis
    19. p.69
  19. Cimmerium domus[*](Eumenidum domus C ) et superis incognita tellus,
  20. caeruleo tenebrosa situ, quo flammea numquam