Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- fata trahens; iam pulsa sibi cessisse Pelasgum
- agmina, iam passim vacuos disiecta per agros
- credit ovans: tales habitus,[*](habitus (ἕξεις) T, Heinsius, auditus V ) ea gaudia fingit
- ira deum. fundo veluti cum Coeus in imo
- vincla lovis fractoque trahens adamante catenas
- Saturnum Tityumque vocat spemque aetheris amens[*](amens M 2, amans V )
- concipit, ast ilium fluviis et nocte remensa
- Eumenidum canis et sparsae iuba reppulit hydrae.
- saevit acerba fremens tardumque a moenibus agmen
- increpitat: 'numquamne dolor virtusque[*](nunquamne SM, numque ne V | virtusque Heinsius, uirtute V ) subibit
- nil ausas sine rege manus? at barbara buxus
- si vocet et motis ululantia Dindyma sacris,
- tune ensis placeatque furor, modo tela sacerdos
- porrigat et iussa sanguis exuberet ulna.'[*](iussa sanguis e. ulna Grotius, cf. 20 et Luc. III 664, iustas anguiis e. urna V )
- talibus insultans iamdudum numine divae
- deficit, infracti languescunt frigore[*](frigore M, frore V ) cursus,
- corda pavent, audit fremitus irasque leonum[*](lonum V )
- cornuaque et motas videt inter nubila turres.
- tune gravis et certo tendens stridore per umbram
- Aesonii venit hasta ducis latumque sub imo